პატარა, ნახევრად მშიერმა ბიჭმა რომელსაც ბავშვობაში სათამაშოც კი არ ქონია შესძლო და შექმნა მსოფლიოში ერთ-ერთი ყველაზე დიდი მედიაკომპანია The WalT Disney Pictures. ჩვენთვის საყვარელი გმირების ავტორი: წითელქუდა, დონალდ დაქი, მიკი მაუსი, დამბო, კონკია, პინოქიო, ვინი პუხი, ბემბი, პიტერ პენი, მეფე ლომი. გავეცნოთ მის ცხოვრებას და გზას მსოფლიო აღიარებამდე, რომელიც ისტორიის ნაწილი გახდა და განაგრძობს განვითარებას.
უოლტ დისნეიმ ბავშვობა მისურის შტატში, ქალაქ მარსელანთან ახლოს პატარა ფერმაში გაატარა. ამ პერიოდს უღრუბლო ბავშვობას ან ოქროს ხანას ნამდვილად ვერ უწოდებ. უოლტის მამა მკაცრი და ღვთისმოშიში კაცი გახლდათ, იგი არასოდეს ანებივრებდა ბავშვებს კანფეტებით, სათამაშოებით და ათასგვარი "სისულელით". უოლტს პატარაობიდანვე იტაცებდა ხატვა, მაგრამ იცოდა რომ მამა არასოდეს აჩუქებდა ფერად ფანქრებს, ალბომზე ხომ ლაპარაკიც ზედმეტი იყო და რადგან სხვა ქაღალდი არ ებადათ მომავალი მულტიმილიონერი თავის შედევრებს ტუალეტის ქაღალდებზე ქმნიდა. პირველი გასამრჯელო უოლტ დისნეიმ ჯარში მსახურობისას მიიღო, მეომრებს მუნდირზე საბრძოლო ორდენებს უხატავდა, რომელთა ნამდვილისგან გარჩევა შეუძლებელი გახლდათ.
უოლტ დისნეის იწუნებდა ყველა გაზეთი, რადგან მის კარიკატურებს პოლიტიკური სიმწვავე და სიფიცხე აკლდა, მაგრამ დისნეი გაზეთის თითოეული რედაქტორის მადლობელია რადგან სწორედ მათ მოარტყეს პირველი "მუშტი კბილებში" და აქედან დაიწყო მისი შემოქმედების ოქროს ხანა.
1920 წელს დისნეიმ მუშაობა დაიწყო კინოსარეკლამო სტუდიაში, რომელიც ქალაქის კინოთეატრებს ემსახურებოდა. სარეკლამო რგოლებში უნდა გამოეყენებინათ ეკრანზე გაცოცხლებული ნახატის მულტიპლიკაცია. პირველ ოპუსებს დისნეი "სიცილოგრამებს" უწოდებდა. დისნეი მუშაობისას ყველა ცნობილ ტრიუკს იყენებდა და ცდილობდა შეექმნა მხიარული კარიკატურებით სასვსე სიუჟეტი. სწორედ ამ დროს გაცოცხლდნენ მის სტუდიაში ცნობილი ზღაპრის გმირები: წითელქუდა, კონკია და ჩექმებიანი კატა... მიზანსწრაფული და ჯიუტი მხატვარი მალე ჰოლივუდში გადავიდა, ნათესავებისგან ფული ისესხა და პატარა სტუდია გახსნა.მან შესანიშნავად იცოდა თავისი ფასი, იგი ხომ იდეების ნამდვილი გენერატორი იყო. იდი ამბობდა:"ზოგჯერ წარმოსახვის უნარი უფრო მნიშვნელოვანია ვიდრე ცოდნა" 1926 წლიდან დისნეი აღარ ხატავდა . სამაგიეროდ თავისი სტუდიის სული და გული, მთავარი მამოძრავებელი ძალა და კატალიზატორი იყო.ის იყო რეჟისორი, პროდიუსერი,ანიმატორი, გამხმოვანებელი...
დისნეის შეეძლო გარისკვა.პირველი სრულმეტრაჟიანი მულტფილმისთვის მან ნახევარ მილიონიანი კრედიტი გამოიტანა ბანკიდან. ჰოლივუდის უმსხვილესი სტუდიის ბოსი ბ.მეიერი იქედნურად ამბობდა:" ვინ წავა ნახატი ფილმის ზღაპრული ფერიას სანახავად, როცა ამავე ფულიტ ჯოან კროუფორდის სავსე მკერდის ხილვვაა შესაძლებელი". თითქოს არაკეთილმოსურნეთა ჯიბრზე " ფიფქიამ" განსაცვიფრებელ წარმატებას მიაღწია. მაყურებელი აწყდებოდა თეატრებს, სტუდიას მოგება 8 მილიონი დოლარი დარჩა. ეს იყო ნამდვლი რეკორდი 1930იანი წლების კინოგაქირავებისათვის.
" ფიფქია და შვიდი ჯუჯას" ავტორს ოსკარის გადაცემის ცერემონიაზე სიურპრიზი ელოდა: სტატუეტთან ერთად შვიდი პატარა დუბლიკატიც გადასცეს, თითო- თითოეული გნომისთვის. დისნეი ამერიკული კინოს ნამდვილ კერპად იქცა. პირველი დისნეილენდი უოლტ დისნეის გარდაცვალებიდან ხუთი წლის თავზე გაიხსნა კალიფორნიაში და იქ მოხვედრაზე ყველა პატარა ( და ბევრი დიდიც ) ოცნებობს.
სიახლეები: 488
კომენტარები: 316
რეპუტაცია: 1
